गडचिरोली पोलीसांच्या कारवाईत नक्षलवाद्यांचा डीव्हीएम वर्गेश सह चार माओवाद्यांचा खात्मा

पूर्णसत्य न्यूज नेटवर्क गडचिरोली दि. १९ मार्च 

येत्या लोकसभा निवडणुकीच्या एमसीसी कालावधीत विध्वंसक कारवाया करण्याच्या उद्देशाने तेलंगणा राज्य समितीच्या काही सदस्यांनी तेलंगणातून प्राणहिता नदी ओलांडून गडचिरोलीला गेल्याच्या विश्वसनीय माहितीच्या आधारावर गडचिरोली पोलीसांनी रात्री केलेल्या कारवाईत नक्षलवाद्यांचा डीव्हीएम वर्गेश सह चार माओवाद्यांचा खात्मा करण्यात यश मिळवले आहे. 

प्राप्त माहितीनुसार तेलंगणा राज्य समितीच्या काही सदस्यांनी तेलंगणातून प्राणहिता नदी ओलांडून गडचिरोलीला आले असल्याच्या माहिती वरुन उप पोलीस मुख्यालयातून सी ६० आणि सीआरपीएफ क्यूआरटीची अनेक पथके अतिरिक्त एसपी ऑपरेशन यतीश देशमुख यांच्या नेतृत्वाखाली क्षेत्र शोधासाठी  रवाना झाली.  रेपनपल्लीच्या 5 किमी अंतरावर कोलामार्का पर्वतरांगामध्ये  रात्री शोध घेत असताना ४  सी ६० दलांचा समावेश असलेल्या एका पथकावर नक्षलवाद्यांनी अंदाधुंद गोळीबार केला, त्याला पोलिस पथकांनी जोरदार प्रत्युत्तर दिले.

गोळीबार थांबल्यानंतर आणि परिसराची झडती घेतल्यानंतर ४ पुरुष नक्षलवाद्यांचे मृतदेह सापडले आहेत. गोळीबाराच्या ठिकाणाहून १ एके ४७, १ कार्बाइन आणि २ देशी बनावटीचे पिस्तूल, नक्षलवादी साहित्य आणि सामान जप्त करण्यात आले आहे.
यात मांगी इंद्रावेल्ली क्षेत्र समितीचे सचिव आणि कुमुराम भीम मंचेरियल विभागीय समितीचे सदस्य डीव्हीसीएम वर्गेश सिरपूर चेन्नूर क्षेत्र समितीचे सचिव मांगतू , पलटन सदस्य कुरसंग राजू⁠, पलटन सदस्य कुडिमेट्टा व्यंकटेश यांचा समावेश आहे. या सर्वांवर  एकत्रितपणे महाराष्ट्र सरकारने ३६ लाखांचे रोख बक्षीस घोषीत केले आहे.परिसरात पुढील शोध आणि नक्षलविरोधी कारवाया सुरू आहेत.