स्वस्त धान्य दुकानदार आ. डॉ. देवराव होळीच्या पाठीशी

पूर्णसत्य न्यूज नेटवर्क गडचिरोली दि. २१ सप्टेंबर

गडचिरोली विधानसभा क्षेत्राचे  आमदार डॉक्टर देवराव होळी यांचे कार्य नेहमीच विकासाच्या दृष्टीचे राहिले असून येणाऱ्या निवडणुकीमध्ये गडचिरोली विधानसभा क्षेत्रातील चामोर्शी, गडचिरोली व धानोरा तालुक्यातील स्वस्त धान्य दुकानदार संघटना त्यांच्या पाठीशी खंबीरपणे उभी राहील असे प्रतिपादन गडचिरोली येथे झालेल्या स्वस्त धान्य दुकानदार संघटनेच्या मेळावा प्रसंगी उपस्थित मान्यवरांनी केले.

याप्रसंगी मंचावर आमदार डॉ. देवराव होळी, गडचिरोली स्वस्त धान्य दुकानदार संघटनेचे अध्यक्ष सुरेश बांबोळे, रामदास पिपरे, मोहन पाल, सुनीता झंझाळ, गेडाम, सुनिल आयतुलवार, चंद्रकांत दरडे, संजय अलोणे प्रामुख्याने उपस्थित होते.

याप्रसंगी आमदार डॉक्टर होळी यांनी उपस्थित दुकानदारांना मार्गदर्शन करताना आपल्या समस्या सोडवण्यासाठी मी सदैव पुढाकार घेतला असून यापुढेही तुमच्या समस्या जाणून घेण्यासाठी अग्रेसर राहीन असे आश्वस्त केले. या मेळाव्याला परिसरातील स्वस्त धान्य दुकानदार मोठ्या संख्येने उपस्थित होते.